|
|
 |
|
|
（一）時令與氣候
- 西嶼若黑，就欲落雨
- 九月初三，十月初四，沒風颱，也有雨意
- 月若中間，水就大寶；月若在落，水就在淹；月若起一半；水就在涸
- 四月風東三斗水，五月風東餓死鬼，正月雷豬仔狗仔毋免搥，
- 三月雷霆草木青，十月雷霆扒佮控
- 日報一，暝報七，黃昏報三日，雞仔啼報十一
（二）漁業
- 釣竿舉起，欲釣龍占佮垵美，釣竿摔那遠遠遠，欲釣龍占佮沙?
- 一日無講幹，三日無討趁；一日無話膣，三日無生理。
- 一魟、二虎、三沙毛，四枋午，楊呃仔無名，鑿著哭俺娘。
- 上山偷掘墓，落海偷拆滬，掠著就退褲。
- 巡滬埕，巡滬埕，有 捷捷行，三日若無 ，就吊鼎。
（三）生活勵志
- 自己種一欉菜瓜，卡贏查某囝來作客
- 海也賺，厝也賺
- 白紙白波波，寫字亂主皂，讀冊真艱苦，做官好佚陶
- 一代顛，一代賢；一代摜茭薦，一代摜吊褳。
（四）鄉土人物
- 大嶼頂，東吉成，將軍澳獻口興，桶盤仔雙寬，虎井毆仔白，南寮敦厚，外垵許三天，赤灣狗仔胎帶，花嶼漢排
- 林幸遇、林幸遇，欲食逐項有，只欠一?實舂臼
- 菜瓜煮麵線，閣兮食，順伯兮看，吉田倒落躽
- 一天生，二桂子，三輝輝，四聯財，五榮海，六百子，七贊地
（五）地方特色
- 赤灣人驚食，細角人祛癖
- 白馬掛金鞍，頂戴無出山，澎湖 出官
- 嫁案山，吃番簽干，配鱙仔爛，半暝無翁通相伴
- 二崁艱竭無鬧熱，水洘搤蝦翁，水淹摳草鬃，一世人無翁，毋通嫁二崁人
- 澎湖蜈蚣，虎井胡蠅，烏崁蒜仔，東衛金瓜，鼎灣芹菜，西吉菜鯆，網垵瓜仔鯆
|
|
|